Kitabı oku: «Qadinlar Nə Istəyir? Kişilər Nə Verir?»

Mustafa Kılınç baş ofisi Amerikada yerləşən Dünya NLP təlimçiləri arasında yer alan yeganə türkdür. Türkiyənin ilk və yeganə peşəkar NLP təlimçisidir. Siyasi Qoç adını qazanan Kılınç fərdi inkişaf, insan qaynaqları, idarəetmə sənəti, ünsiyyət, zəka, uğur, liderlik, psixologiya, yenilikçi zəka və “Təsirli liderlik” sahəsində araşdırmalar aparmış və bir sıra işlər görmüş biridir. Türkiyədə ilk dəfə NLP Qoçluğu və Siyasi Qoçluğu həyata keçirən Kılınç NLP Mütəxəssisləri Dərnəyinin rəhbəri, TÜSİAV Təhsil Sektoru başqanıdır.

”NLP ilə təsirli Qoçluq”, “İçimizdəki Həqiqət”, “NLP ilə uğurun daxili oyunu” və “Təsirli Liderlik” kitablarının müəllifidir.

“İnsan düşündüyü qədər güclü, inandığı qədər qiymətlidir”.

E-mail

nlpdap@nlpdap.com

Web səhifə

www.nlpdap.com

MUSTAFA KILINÇ

QADINLAR NƏ İSTƏYİR? KİŞİLƏR NƏ VERİR?

Bakı, Qanun Nəşriyyatı, 2015

Türkcədən tərcümə: Anar Öztürk

Redaktor: Anar Öztürk

Korrektor: İradə Musalı

ISBN 978-9952-26-767-9

© Qanun Nəşriyyatı, 2014, 2015

© Mustafa Kılınç, 2011

Bu kitab ilk dəfə Kariyer Yayıncılık İletişim

EĞİTİM HİZMETLERİ LTD. ŞTİ. tərəfində nəşr edilib

Bu kitabın Azərbaycan dilinə tərcümə və yayım hüquqları Qanun Nəşriyyatına məxsusdur.

Kitabın təkrar və hissə-hissə nəşri «Müəlliflik hüququ və əlaqəli hüquqlar haqqında Azərbaycan Respublikasının Qanunu» na ziddir.

Qanun Nəşriyyatı

Bakı, АZ 1102, Tbilisi pros., 76

Tel: (+994 12) 431-16-62; 431-38-18

Mobil: (+994 55) 212 42 37

е-mail: info@qanun.az

www.qanun.az

www.fb.com/Qanunpublishing

MİNNƏTDARLIQ

“Duyusal Alqı (Hissi Qavrama) Proqramlama Mərkəzi olaraq işimiz gözlə görüləcək vəziyyətə gətirilmiş sevgimizdir”. (Mustafa Kılınç)

Hər zaman olduğu kimi, bu əsərimin də ərsəyə gəlməsində dəstəyini və inamını bir an belə, əsirgəməyən sevgilim, həyat yoldaşım, sirdaşım SEVDAya minnətdaram. Sevdam, sevgilim, yaxşı ki, varsan. Həyatımın əvəzedilməz tək qaynağısan. Həyatım boyu var olacaq tək sevgimsən. Həyatımda olmasaydın, arzulamadığım bir həyatı yaşayacaqdım.

Əziz həyat yoldaşım, sirdaşım, dostum, Sevdam. Dəstəyin üçün sənə sonsuz təşəkkürlər. Etdiklərin və edəcəklərin üçün sənə minnətdaram.

Və sizlərə də – əziz övladlarım Ali Yıldırım, Olcayto Oğuzhan və Ahu Yeşim, anlayışınız və dəstəyiniz üçün təşəkkür edirəm. Bu əsər üzərində çalışanda hər birinizi, hər zaman olduğu kimi, yanımda hiss etdim. Dəstəyiniz və sevginiz üçün təşəkkür edirəm. Həqiqətən vacib bir işə diqqətimi cəmləməyə kömək etdiyiniz üçün çox sağ olun, uşaqlar.

Bu işdə əməyi keçən bütün mütəxəssis dostlarıma da təşəkkür edirəm. Çox dəyərli qardaşım, naşir Süleyman Bayraka və kollektivinə təşəkkür edirəm. Onlar olmasaydı, bəlkə də sizlər bu əsərlə tanış olmayacaqdınız.

Bu əsərin sizlərlə görüşməsində çox böyük əməyi olan, ürəyini, özünü ortaya qoyan assistentim və ictimaiyyətlə əlaqələrə məsul olan koordinatorum, ən yaxın iş yoldaşım Demet Kocakuşaka da təşəkkür edirəm.

“Marka olmaq cəsarət tələb edir” deyiminə inanan və mənimlə hər şəraitdə birlikdə olan əziz dostum, baş müdir Ziya Ustaoğluna təşəkkür edirəm.

Qadınlar nə istəyir, kişilər nə verir?

Sonsuz bilgi və təcrübələri sizlərlə bölüşmək imkanı yaradan dəyərli oxucularıma, məsləhətçilərimə, şirkət və təşkilatlara təşəkkür edirəm.

İstər qadın olun, istər kişi – hər birinizə təşəkkür edirəm.

İnsanlar üçün, güc, uğur, sağlam evlilik və münasibətlər üçün ən yaxşı layihələrdə birlikdə olmaq arzusu ilə… Hər birinizə sonsuz təşəkkürlər.

“Üzərində çalışdığım NLPDAP-ın gücünü çox sevirəm”.

“Mustafa Kılınç”

BİRİNCİ HİSSƏ

Həyatda güclü, sevgi dolu olmağı və uğur qazanmağı bacarmaq

“İstəklərinizin arxasınca gedin, xoşbəxtlik özü sizi tapacaq”.

“Mustafa Kılınç”

Həyat, keçmişdən gələcəyə doğru uzanan, istəməsək də, hər an ovcumuzdan süzülüb gedən su kimidir. Hansımız suyu ovcumuzun içində saxlaya bilərik? Əlbəttə ki, heç birimiz.

Bir insan olaraq, həyatımızda bizi hərəkətə gətirən inanclarımız, dəyərlərimiz, fərqində belə olmadığımız davranış qəliblərimiz var.

İstər qadın olsun, istər kişi, fərqi yoxdur, son nəticədə hər birimiz bir insanıq. İnsanları formalaşdıran “DÜŞÜNCƏLƏR”, “DUYĞULAR” və “DAVRANIŞLARDIR”. Daha dəqiq desək, QADIN = KİŞİ = 3D.

İNSAN = 3D (Düşüncə, Duyğu, Davranış).

Unutmayın ki, duyğular olmadan davranışlar da olmaz. Bizlər istəsək də, istəməsək də duyğularımıza tabe olmağa məcburuq. Bir qadın və ya bir kişi olaraq bizi hərəkətə gətirən amillər nə qədər fərqli görünsə də, əslində hər birimiz “GÜC”, “UĞUR” və “SEVGİ” üzərində proqramlanmışıq.

Bəzi qadınlar üçün prioritet “GÜC”,

Bəzi qadınlar üçün “UĞUR”,

Bəzi qadınlar üçün isə “SEVGİ” və “ŞÖHRƏT”dir.

Bəzi kişilər “GÜCLÜ OLMAQ”,

Bəzi kişilər “UĞUR QAZANMAQ”,

Bəzi kişilər də “DİQQƏT MƏRKƏZİNDƏ OLMAQ” üçün çalışarlar.

(Karikatura 1)

Qadınların və kişilərin “DÜŞÜNCƏ KODLARI”, “ÜNSİYYƏT FORMALARI”, “BU GÜNƏ və GƏLƏCƏYƏ BAXIŞLARI”, qərar qəbuletmə strategiyaları, iş həyatı, şəxsi və sosial həyata baxış və davranışları bir-birindən fərqlənir.

Həyatda güclü və sevgi dolu olmağı, uğur qazanmağı bacarmaq

Qarşınızdakı qadın və ya kişinin hansı davranış formasına görə hərəkət etdiyini bilmirsinizsə, “AXTARDIĞINIZI HEÇ VAXT TAPA BİLMƏZSİNİZ”.

“QADINLAR NƏ İSTƏYİR, KİŞİLƏR NƏ VERİR?” həyat yolunuzda “qadın və kişini” tam başa düşmək, sizi güclü və sevgi dolu etmək, uğur qazanmağınıza, başqalarından fərqlənməyinizə kömək etmək üçün hazırlanıb.

“Ürəkdən güləndə beyin dərin yuxudan oyanar

və indinin həqiqətini yaşamağa başlayar ”.

“Mustafa Kılınç”

Mükəmməl Münasibət Üçün
Beyninizlə Ünsiyyətə Girin

“Beyin – mükəmməl bir kölə, bərbad bir hökmdardır”.

“Mustafa Kılınç”

Beynimizə qarşı heç birimiz diqqətsiz və laqeyd qala bilmərik. Ən qiymətli parçanız olan beyninizlə ünsiyyətə girmək, ondan necə istifadə etməyi bilmək və bacardığınız qədər çox faydalanmaq istərdinizmi? “HƏ” cavabını verirsinizsə, bizimlə gəlin.

“YOX” cavabını verirsinizsə, Təbriklər! Ən azı, seçiminizi etdiniz və qərar verdiniz. Lakin bir şeyi bilin ki, qərarınızdan asılı olmayaraq beyninizdən istifadə etməsəniz, o, sizdən istifadə edəcək.

QADINLAR VƏ KİŞİLƏR, SİZƏ BİR XƏBƏRİM VAR!

Çiyinlərinizin üzərində gəzdirdiyiniz, başınızın içində yer alan beyninizlə bağlı sadəcə iki seçim imkanınızın olduğunu bilirsinizmi?

Birinci seçiminiz:

Beyniniz sizin istəkləriniz, gözləntiləriniz, xəyallarınız və münasibətləriniz üçün çalışacaq.

İkinci seçiminiz:

Beyniniz başınızın içində “özü bildiyi kimi”, “adət etdiyi kimi” işləməyə davam edəcək. Bunun başqa yolu yoxdur.

Beyniniz “özü bildiyi kimi” işləyəndə belə, yaratdığı duyğu və düşüncələrin nəticələriylə siz qarşılaşacaqsınız.

Beyniniz həyatınızı, münasibətlərinizi, qısacası, bir insan olaraq, hər bir şeyinizi idarə edir. Belə olan halda siz də beyninizə nəzarət etməlisiniz. Ondan faydalanmağı öyrənməli və istəklərinizə uyğun istifadə etməlisiniz.

Həyatda güclü, sevgi dolu olmağı və uğur qazanmağı bacarmaq

Necə çalışdığını bilmədiyiniz bir şeyə nəzarət edə, ondan lazımi qədər faydalana bilməzsiniz.

Hər şey beyində başlayır. Qadın və ya kişi olaraq ünsiyyəti necə qurursunuz? Necə danışırsınız? Saatlarla zövq alaraq necə söhbət edirsiniz? Onu deyim ki, söhbət etmək beyindən-beyinə həyata keçirilən alış-verişdir.

“BEYNİMİZİN DÜŞÜNƏRƏK XƏYAL ETDİKLƏRİNİ ƏLLƏR REALLAŞDIRAR”

“Mustafa Kılınç”

Yeni Bir Eşq Harada Başlayır?

“Yaxşılığı, xəstəliyi, səfaləti, xoşbəxtliyi, zənginliyi, kasıblığı yaradan zehindir”.

Edmund Spenser

Əlbəttə ki, beyində. Həyatınızdakı hər şeyin ilk başlanğıc nöqtəsi beyninizdir. Bitmə nöqtəsi də beyninizdir. Deməli, beyniniz “həm başlanğıc”, “həm də bitmə” nöqtəsidir.

Yeni bir karyera? Yeni bir həyat? Yeni bir sevgili? Yeni bir avtomobil? Bütün bunlar beyində başlayar. Davamı üçün isə beyninizin yaratdığı hisslərə ehtiyacınız var.

Hisslərin olmadığı yerdə “qadın” və ya “kişi” olmağınızın heç bir mənası olmaz.

Sizi güclü şəxsiyyətə çevirə biləcək beyninizdən necə istifadə etməyi öyrənməyiniz mütləqdir.

Bəhanələrə haqq qazandıran da, qazanılmış uğurdan həzz yaradan da beyindir. Elə bu səbəbdən bəzi insanlar “başlanğıcdan qalib gələr”, bəzi insanlar isə “başlamadan məğlub olar”.

İSTƏR QADIN OLUN, İSTƏR KİŞİ,

SEÇİM SİZİNDİR, BU HƏYAT SİZİNDİR.

Beyindən İstifadə Təlimatı!

“Yaxşı bir başa sahib olmaq yetərli deyil, ondan necə istifadə etməyi də bacarmalısınız”.

Dekart

Əziz qadınlar və kişilər, diqqətli olun!

Beyin gücünüz başınızın içindədir və sizin ondan istifadə etməyinizi gözləyir. Sizə havayı verilmiş beyninizdən necə istifadə edəcəyinizlə bağlı bəzi şeyləri bölüşəcəm. Artıq güc sizdədir.

Mən – Mustafa Kılınç, Türkiyənin ilk və yeganə peşəkar NLP təlimçisiyəm. Dünyanın peşəkar NLP təlimçiləri arasında yer alıram. “NLP Mütəxəssisləri Dərnəyi”nin başqanı, eyni zamanda yazaram. Sahib olduğum bilgilərdən çıxış edərək məndən sizlərə bütün dünyanın qapılarını açacaq bir SİRR verməyimi istəsəydiniz, cavabım belə olardı: “Beyninizdən istifadə təlimatına sahib olun, beyninizi oxuyun, beyninizdən istifadə edin”. Sizlərə beyninizlə bağlı bilməli və etməli olduğunuz məqamları qısa və konkret şəkildə açıqlayacam. Gözünüzü qorxutmayacam. Sadəcə necə etməli olduğunuzu sizinlə bölüşəcəm. Bildiyiniz kimi, beyninizin iki yarımkürəsi var: sol və sağ yarımkürə. Hər bir yarımkürənin özünəməxsus bacarıqlarını anlamaq üçün zehni gücünüzdən daha səmərəli istifadə edərək, sağ və sol beyin funksiyaları arasında tarazlıq yarada bilərsiniz.

Qadınlar nə istəyir, kişilər nə verir?

Sağ Beyin

“Beyniniz – sağ və sol yarımkürələr

bir-biri ilə uzlaşaraq işlədiyində nəticə verir”.

“Mustafa Kılınç”

Sağ yarımkürə yaradıcılıq, təhlil, məkan və məsafələri bir-birindən ayırmaq xüsusiyyətinə, məlumatları heç bir güc sərf etmədən avtomatik olaraq yadda saxlamaq qabiliyyətinə malikdir.

“Mən bu insanı əvvəl haradasa görmüşəm”, deyərkən hisslər sağ beyinə doğru hərəkət edir. Sağ beyin baş verənlərə məna yükləyə bilmir. Fəhminizə etibar etmək sağ beyninizə gələn duyğudur.

Sağ beyin:

Sözlərlə yanaşı, təsəvvür və xəyallarla işləyir.

Musiqi: Musiqi bacarığı, musiqiyə reaksiya vermə qabiliyyəti sol beyində olsa da, bunu sağ beyin müəyyən edir.

Xəyal gücü: fantaziyalar rola necə girməyi bilir. Problemləri bütünlüklə görə, ehtimal edə, böyük problemləri bir anda dəyərləndirə bilir. Üzləri xatırlaya, xüsusiyyətləri bir bütün olaraq görə bilir.

Yuxu görmək: Gördüyümüz yuxular da sağ beynin funksiyalarına daxildir.

Ruhi vəziyyət: İbadət, dua və mistika ilə məşğul olur.

Qeyri-şüuri: Qeyri-ixtiyari düşüncələr və asanlıqla ifadə edilməyən hisslər də sağ beynin funksiyasına aiddir.

Həyatda güclü, sevgi dolu olmağı və uğur qazanmağı bacarmaq

Sol Beyin

Realist, məntiqli və analitikdir, beynin dil mərkəzini təşkil edir. Sol beyin, əsasən, analitik işləri idarə edir. Məntiqi üsullar, əlaqələndirmələr və məna vermə sol beynin funksiyasına daxildir.

Sol Beyin:

Danışmağa, oxuyub-yazmağa nəzarət edir. Hadisələri xatırlayır. Adları yaddaşa qeyd edir və onları necə tələffüz edəcəyimizi bilir. Sol beynin təhlil mərkəzi hadisələri rasional şəkildə qiymətləndirir. Riyazi hissəsi isə rəqəmləri, simvolları qavrayır, hesablama işlərinə üstünlük verir. Vücudumuzun sağ tərəfindəki hərəkətlərə nəzarət edir. Hər iki yarımkürədəki şüurlu və qeyri-ixtiyari zehnimizi bilməyə, məqsədimizə çatmaq üçün onların hər ikisindən yararlanmağa ehtiyacımız var.

ŞÜURLU ZEHİN: hesablamaq, qarşılaşdırmaq, qiymətləndirmək kimi, bir çox təsiredici və əlaqəli funksiyanı yerinə yetirir. Şüurlu zehin VAHİD sistemə malikdir.

QEYRİ-ŞÜURİ ZEHİN: düşünməz, sadəcə hərəkət edər. Sürətlə qərar verər. Vücudu hərəkət etməyə istiqamətləndirər. Əsasən güclü olur, çətin dəyişir. Şüurlu zehnin dərinliklərində yer alır və insanın keçmişdəki hərəkətlərində gizlənir. Fikirlərini rasional şəkildə dilə gətirmir, yalnız davranışlarla reaksiya verir. Bu günlə yaşayır. Sərt, neqativ məlumatlara qarşı həssas olur.

Qadınlar nə istəyir, kişilər nə verir?

Şüurlu zehnimizlə müəyyən etdiyimiz bir hədəfimiz olur. Məsələn, arıqlamaq, işə girmək, davranışlarımızda dəyişiklik etmək. Demək asandır, etmək isə çətin. Qeyri-şüuri zehin üçün sərhədlərimizə toxunmaq bir riskdir. Bunun düşüncəsi belə, özünüzü pis hiss etməyinizə səbəb ola, qorxu, həyəcan və təlaş yarada bilər.

“Gənclik insan həyatının hər hansı çağı ilə bağlı deyil. İnsan özünə olan inamı qədər gənc, şübhələri qədər də yaşlıdır. Cəsarəti qədər gənc, qorxuları qədər yaşlıdır. Ümidləri qədər gənc, ümidsizliyi qədər yaşlıdır. Heç kim bir neçə il yaşamaqla qocalmaz. İnsanları qocaldan hədəflərini dəfn etmələridir. İllər üzünüzün dərisini qırışdıra bilər, lakin həyəcanlarınızı yox etməklə ruhunuzu qırışdırarsınız”.

Samuel Ullman

Qadın Beyni Daha Böyükdur, Yoxsa Kişi Beyni?

Qadını və ya kişini ağıllı edən beyinlərinin böyüklüyü deyil, beynin içindəkilərdir. Beyni bir kitaba oxşatsaq, onun nə qədər yaxşı olduğunu həcminə yox, içindəkilərə görə müəyyən edərik.

Aparılan elmi araşdırmaların da göstərdiyi kimi, “BEYNİNİZİN” fiziki böyüklüyünün heç bir əhəmiyyəti yoxdur. Əhəmiyyətli olan beyninizin fəaliyyətidir. Fiziki baxımdan kişi beyni qadın beynindən 10 % daha böyük olsa da, bu, kişilərin ağıllı olduqları anlamına gəlməz.

Qadın beyni ilə kişi beyni bəzi mövzularda bir-birinə üstün gəlsə də, heç biri qəti bir üstünlük qazana bilmir. İki beynin quruluşu arasında oxşarlıq fərqliliklərdən daha çoxdur.

Qadın beyni: Sağ beyin funksiyalarına daxil olan işlərdə (xəyal qurmaq, yaradıcı olmaq, fantaziya və hisslər) kişilərin beyni ilə müqayisədə daha avantajlıdır.

Kişi beyni: İstiqaməti müəyyən etmədə, riyazi məsələlərdə, konkret və mücərrəd anlayışlara bağlı işlərin görülməsində qadın beyni ilə müqayisədə daha avantajlıdır.

Böyük Sevgilər Ürəkdə Yox, Beyində Başlayar

“Nəyi görsəniz, ona da sahib olarsınız”.

“Mustafa Kılınç”

Doğru bildiyiniz yanlışlardan biri də sevginin qəlbdə başlamasıdır. Halbuki sevginin mənbəyi “qəlb” deyil, “beyindir”. Sevgi beyin fəaliyyəti nəticəsində meydana gələn bir hissdir. Hisslərimizin də mərkəzi qəlb yox, beyindir.

Sevgi hissi beyin mərkəzində yaranır. Beynimizin əmri ilə yaranan kimyəvi reaksiyanın nəticəsini qəlbimizin ətrafında hiss etdiyimiz üçün, sevgimizin də qəlbimizdə olduğunu zənn edərik.

Sevən qəlb yox, sevən beyin var.

Şəkil 1

Qadını və Kişini İstiqamətləndirən Beyin

Kişilərin həyatı necə dəyişir? Hansı istiqamətə doğru dəyişirsiniz? Ayaqlarınızdan başınıza, yoxsa başınızdan aşağıya doğru? Qadınları və kişiləri istiqamətləndirən, bəzi şeyləri onların gözündə düz göstərən beyindir.

– Qadın və kişini inanclarına, dəyərlərinə uyğun hərəkətə sövq edən beyindir.

– Sevgili olan vaxtlara və evlilik dövrünə istiqamət verən beyindir. Çünki hisslər beyində yaranır.

– Qadın və kişi arasında münasibəti başladan beyindir. Xarakter və davranışlarımızın kodları şüuraltı zehnimizdədir.

– Sağlamlığımıza istiqamət verən beyindir. Çünki xəstəliklərin çoxu şüuraltı kodlara əsaslanır.

– Siyasətə istiqamət verən beyindir. Çünki səs vermə qərarı beyində formalaşır.

– Aldatmağa sövq edən beyindir. Çünki qarşımızdakını aldatmaq qərarı beyində formalaşır.

– Cinsi əlaqəyə yön verən beyindir. Çünki zövq alma və ya cinsi münasibətlərdən imtina qərarını beyin verir.

– Qadın və kişi arasındakı qısqanclığa istiqamət verən beyindir. Çünki beyindəki qısqanclıq düşüncəsi bu hissi yaradır.

Qadınlar nə istəyir, kişilər nə verir?

– Kişi və qadını sevgi, hörmət və mehribanlığa sövq edən beyindir. Çünki müsbət və ya mənfi fikirlər beyində yaranır.

– Qadın və kişilərdə gözləntiləri yaradan beyindir. Çünki gözləntilər və ona qarşılıq vermək qərarı beyində formalaşır.

– Qadınların istəklərini formalaşdıran beyindir. Qadının şüuraltı dünyasındakı davranış formaları avtomatik olaraq beyində proqramlanır. Kişilərin nələri fəda edəcəklərinə qərar verən beyindir. Çünki şüur altındakı şifrələrin mərkəzi beyindir.

Yenicə tanış olduğumuz birini tanımaq üçün xeyli cəhd göstəririk. Gəlin, indi də bir az şüuraltı dünyamızı tanımağa və ondan necə istifadə edə biləcəyimizi öyrənməyə çalışaq. Şüuraltı gücünüzü kəşf etsəniz, bütün qapıları aça biləcək sehrli açara sahib olacaqsınız. Bu sizin haqqınızdır. Şüuraltı dünyanız sizə xidmət etməyə hazırdır. Bəs siz? Siz də dərinlərə baş vurmağa, şüuraltı zehninizlə tanış olmağa hazırsınızmı?

“Şüurlu şəkildə kəşf olunmağa doğru getmək çətindir”.

Şəkil 2

Həyatda güclü, sevgi dolu olmağı və uğur qazanmağı bacarmaq

“Bütün azadlıqlar beyində başlayar və beyində bitər”.

“Mustafa Kılınç”

(Karikatura 2)

İkili Xarakter

“Bir bədəndə iki fərqli insan?”

Bunun gülməli olduğunu etiraf edirəm. Həm şüurlu, həm də şüuraltı zehnimiz, davranışlarımızla daim əlaqədədir. Amma onların öz aralarında heç bir əlaqə yoxdur. Bu səbəbdən insanlar “bilmirəm”, “düşünməliyəm” və ya “nə edəcəyimə əmin deyiləm” kimi cümlələr qururlar.

Adətən, insanlar özlərini və onları əhatə edən dünyanın mənasını anlamağa çalışırlar. Zaman-zaman hər birimiz bizi dəhşətli dərəcədə təəccübləndirən şeylər danışırıq. Fəhmimizlə ziddiyyət təşkil edən bu sözləri mənalı etməkçün hekayələr uydurmaq məcburiyyətində qalırıq. Məhz bu hekayələr irəli getməyimizi təmin edir. Özümüzü və ətrafımızı başa düşməyi daha da çətinləşdirən 1,5 kq-lıq beynimizdə daşıdığımız deformasiyaya uğramış acı xatirələrdir. Beyin hər hadisəni təzə saxlayan bir video deyil. Beyin – hadisələri, düşüncələri, xatirələri təhlil edərək yenidən bir yerə toplayan, sonra yenidən təhlil edib təkrarən toplayan bir mexanizmdir. Səhvlərlə dolu xatirələrə o qədər çox rast gəlinir ki, hər hansı böyük bir söhbətin əsnasında ən azı bir dəfə heç vaxt yaşanmamış xatirədən bəhs edilir.

Bu iki qüsurlu ünsürü anlamaq (hafizəmiz və ikili xarakterimiz) eyni hadisə ilə üzləşən, lakin bunu fərqli şəkildə xatırlayan və ya təhlil edən insanların dava və mübahisələrini başa düşməyə kömək edər.

Araşdırmalar başqalarına necə reaksiya verəcəyimizin ehtimal oluna biləcəyi ilə bağlı bəzi ipucları verir. Məsələn, bacısını (qardaşını) sevən bir adam onun kimi davranan başqa insanları da sevir.

Adətən, qadınlar ilk sevgilərinin təsirindən asanlıqla xilas ola bilmirlər. Qadınların hissləri dərin olduğu üçün ilk sevgililərindən ayrılarkən qarşılarına çıxan hər insanda onun xüsusiyyətlərini axtarırlar. Bir neçə ortaq xüsusiyyət tapanda isə qadının beyni dərhal “ona etibar edə bilərsən” mesajını verir. Bununla da qadın bir müddət əvvəl tanıdığı kişiyə çox etibar edir və onunla bağlı gözləntiləri çox olur.

Kişilərdə isə vəziyyət bir qədər fərqlidir. Kişilər ilk sevgilərindən sonrakı münasibətlərində ortaq xüsusiyyətlər axtarmır, fərqli nöqtələrə diqqət yetirirlər. Bu halda qadın fərqli, daha cazibədar olmalı, özünü sıxmamalı, sərbəst şəkildə münasibətinə davam etməlidir.

Aralarındakı münasibəti təhlil edə bilənlər üçün heç bir problem olmur. Təhlil etməyi düşünməyənlər isə adətən, rahatlıq tapa bilmirlər.

Həyatda güclü, sevgi dolu olmağı və uğur qazanmağı bacarmaq

“Düşüncə ilə davranış birgə hərəkətə keçir. Davranışın başlanğıc nöqtəsi zehindir”.

“Mustafa Kılınç”

Aranızdakı münasibətə, evliliyinizə bir ad qoymalı olsaydınız, bu ad nə olardı? Burada iş sizin üzərinizə düşür. Qoyacağınız ada görə münasibətiniz beyniniz tərəfindən istiqamətləndiriləcək.

Gəlin, ad qoyaq.

Bizim münasibətimizin adı…………………………………

Qadınlar nə istəyir, kişilər nə verir?

Bizi tanımayanlar kənardan münasibətimizi necə qiymətləndirər? Onlara görə bizim münasibətimizin adı nədir?

…………………………………………………………………………………………………………………………………………………………………………………………………………………………………………………………..

Çünki……………………………………………………………………………………………………………………………………………………………………………………………………………………………………………..

Münasibətinizə özünüzün və başqasının gözü ilə baxmağa, qiymət verməyə cəsarət etdiyiniz üçün TƏBRİKLƏR. Zəhmət olmasa, verdiyiniz cavabları “çünki” bölməsində qeydlərinizlə əsaslandırın. Sizin və beyninizin buna ehtiyacı var.

“Səni sevirəm deyə bilirəmsə, bu, səndə bütün insanlığı, canlı olan hər şeyi və səndə olan səni sevirəm deməkdir”.

Erich Fromm

Qadın və Kişi Olaraq Siz Kimsiniz?

“Bəzən eşitmək istədiyinizi eşidər, görmək istədiklərinizi görərsiniz. Bunu bilərəkdən etmirsiniz. Bütün bunları edən siz yox, beyninizdir”.

“Mustafa Kılınç”

Qadın və ya kişi olaraq özünüzü necə ifadə edərdiniz? Hər hansı bir vəziyyətdəki davranışlarınıza diqqət etsəniz, bu, özünüzü tanımağınıza kömək edəcək. Əlbəttə, bunun özü də bir qədər şübhəlidir. Çünki insan özünə başqaları kimi qiymət verə bilməz.

Araşdırmalar göstərir ki, başqalarının gələcəkdə edəcəyi hərəkətləri ehtimal etmək, öz hərəkətlərinizi ehtimal etməkdən daha asandır. Adətən, özümüzə daha müsbət qiymət veririk. Bu da nəticədə yanlış qiymətləndirməyə səbəb olur. Başqalarına isə adətən, daha düzgün qiymət veririk.

(Karikatura 3)

O yanğına şükürlər olsun.

Soyuq bir qış səhəri idi. Sahildəki kiçik bir kənddə balıqçı qayığı dənizə tərəf yol aldı. Günortadan sonra dəhşətli fırtına qopdu və gecə balıqçı qayıqlarının heç biri limana qayıtmadı.

Gecə boyu analar, uşaqlar, sevgililər əllərini göyə açıb yaxınlarının xilası üçün Allaha dua edirdi. Bu xoş olmayan gecədə evlərdən birində güclü yanğın başladı. Kişilər olmadığı üçün yanğını söndürüb evi xilas etmək qeyri-mümkün idi.

Səhər açılanda itən qayıqların hamısı sağ-salamat limana qayıtdı. Lakin onların arasında çarəsiz biri var idi. O, yanğında evi kül olan adamın həyat yoldaşı idi. Əri sahilə çıxarkən qışqırmağa başladı: “Aman Allah, məhv olduq. Evimiz içindəki əşyalarla birlikdə kül oldu”. Kişi isə həyat yoldaşını təəccübləndirən cavab verdi: “O yanğına şükürlər olsun. Yanan evimizin işığı sayəsində bütün qayıqlar yolu tapdı və sağ-salamat limana qayıtdıq”.

İKİNCİ HİSSƏ

Yetkinliyə Gedən Yolda Ünsiyyət

“Ünsiyyətin mənası sizin nə danışdığınızda yox, qarşınızdakının nə anladığındadır”.

Həyatınızda təsirli bir ünsiyyətə sahib olmasanız, yola təkbaşına çıxarsınız. Çünki ünsiyyət bilgi və anlayışın bir yerdən başqa bir yerə keçməsi mərhələsidir. Ünsiyyət həm də, iki və daha artıq insanın bir-birini anlamasına, düşüncə və duyğu mübadiləsinə, qarşılıqlı müzakirə və bölüşməyə, ayrı-ayrılıqda və ya birgə hərəkət etməyə söykənən bir münasibətdir. Qısacası, ünsiyyət beyindən-beyinə ötürülən siqnaldır.

Həyatın ən təsirli və təməl mövzularından biri ünsiyyətdir. Qadın və kişi münasibətlərinin təməlində də ünsiyyət dayanır. Ünsiyyət münasibətlərin səviyyəsinə və gələcəyinə təsir edən təməl bir faktordur. O, fərdi səviyyədə insanın qarşısındakı ilə bütünləşməsini, sevgi və hörməti, “biz” anlayışını və bir münasibətin davam edib-etməyəcəyini müəyyən edir.

“Həyatda uğur qazanıb-qazanmamağınız ünsiyyətinizdən və münasibətlərinizdən asılıdır”.

“Mustafa Kılınç”

Münasibət və Ünsiyyətinizdə Sehr Yoxdur, Sadəcə Sehrbazlar Var

Qədim zamanlarda bir kral və onun gənc oğlu var idi. Gənc kral 3 şey istisna olmaqla, hər şeyə inanırdı. İnanmadığı 3 şey bunlar idi: kraliçalar, adalar və tanrı. Atası ona dünyada bu üç şeyin mövcud olmadığını demişdi. Atasının krallıq dövründə bu 3 şeyin varlığını sübut edən bir nişanə belə, yox idi. Gənc də atasına inanırdı. Bir gün gənc kral atasının sarayından qonşu bir ölkəyə qaçır. Orada bir çox ada, adalarda da adlarını belə, bilmədiyi varlıqlar görür. Adalara getmək üçün qayıq axtararkən yanına çadralı, üzü qapalı adam yaxınlaşır. Gənc həmin adamdan adaların həqiqət olub-olmadığını soruşur. Adam da “əlbəttə, həqiqətdir” cavabını verir.

– Yaxşı, bəs bu qəribə görünüşlü varlıqlar?

– Onlar həqiqi kraliçalardır.

– Belə çıxır ki, tanrı da var?

Qapalı qiyafəli adam bir qədər önə əyilərək “mən tanrıyam”, – deyir. Gənc tələm-tələsik saraya qayıdır. Və atasına təəccüblə “adalar gördüm, kraliçalar gördüm, tanrını gördüm”, – deyir. Qoca kral bu sözlərdən qətiyyən təsirlənmir və “həqiqi adalar, həqiqi kraliçalar və həqiqi tanrı yoxdur”, – cavabını verir.

Oğlu: “Axı, mən onları gördüm”, – deyərək israr edir. Kral soruşur: “De görüm, tanrı nə geyinmişdi?”. Oğlu cavab verir: “Uzun qara libas”.

“Yaxşı, libasının qollarını yuxarı çəkmişdimi?” – atası soruşur.Gənc kral xatırlayır ki, onun libasının qolları həqiqətən çəkilmişdi. Atası gülümsəyərək “Elə də bilirdim”, – deyir və davam edir: “O gördüyün bir sehrbaz geyimidir, səni aldadıblar”.

Bir müddət sonra gənc kral adaya qayıdır və həmin qumluğa doğru gedir. Qara libaslı adam yenə orada olur. Gənc kral “Atam mənə sənin kim olduğunu dedi. Ötən dəfə məni aldatdın. Bir daha aldada bilməzsən. Artıq bilirəm ki, nə adalar, nə kraliçalar həqiqətdir. Üstəlik, sən də sehrbazsan”, – deyir. Qumluqdakı adam gülümsəyərək cavab verir: “Əslində səni aldadan elə atandır, ey gənc. Atanın krallığında çoxlu adalar və kraliçalar var. Sən atanın sehri altında olduğun üçün onları görə bilmirsən”. Gənc kral fikirli şəkildə evinə qayıtdığında atası gözlərinin içinə baxırdı: “Ata, sənin həqiqi bir kral olmadığın, bir sehrbaz olduğun doğrudurmu?”. Qoca kral gülümsəyir və paltarının qollarını yuxarı qatlayır: “Düzdür, oğlum, mən sadəcə bir sehrbazam”.

– Mən sehrdən kənarda olan həqiqətləri bilmək istəyirəm. Yalnızca həqiqətləri.

Ata cavab verir: “Sehrdən kənarda bir həqiqət yoxdur”.

Gənc kral qəmli bir şəkildə qışqırır: “Özümü öldürəcəm”.

Kral sehr vasitəsi ilə ölümü oğluna göstərir. Ölüm qapıda gözləyir, həqiqi krala səslənirdi. Gənc kral qorxur. Gözəl, amma həqiqi olmayan adaları, kraliçaları düşünür: “Yaxşı, dözə bilərəm”.

Qoca kral deyir: “Gördünmü oğlum, sən də bir sehrbaz olmağa başlayırsan”.

Qadın-Kişi Münasibətlərinin Sehrli Quruluşu

“Həqiqi sevgini tanıyacaq qədər şanslısansa, bütün qəlbin, ruhun və vücudunla sev”.

F.Kollis Vildman

Qadın və ya kişi ilə ünsiyyətə başladığınızda öz dünya modelinizi əhatə edən beyninizdən qarşınızdakının beyninə keçid edirsiniz. Dünyanı beş əsas sistemlə dərk edirsiniz. Dərk etdiyiniz dünya modelini isə görüntülər, səslər, hisslər, dad və qoxular formalaşdırır.

Bu vaxta qədər qarşınızdakı insanlarla necə ünsiyyət qurduğunuza diqqət etmisinizmi?

Necə danışırsınız? Hansı kəlmələrdən istifadə edirsiniz?

Danışanda vücudunuz sizinlə vəhdət təşkil

edirmi?

Qarşı cinsin gözlərinə rahat baxa bilirsinizmi?

Danışdıqlarınızı vücudunuz, düşüncələriniz və duyğularınız təsdiqləyirmi? Yoxsa siz fərqli, vücudunuz fərqli danışır?

Ətrafınızda “şeytan tükü”nün olduğu söylənilən dostlarınız varmı? Yaxşı, bəs onlar necə ünsiyyət qururlar?

Özünüzə bir addım kənardan baxsanız, necə bir ünsiyyət qurduğunuzu görər və ya hiss edərdiniz?

Məqsədim sizi sual yağışına tutmaq və suallar içərisində boğmaq deyil. Sadəcə, bir anlıq diqqətinizi özünüzə yönəltmək və fərqində olmadığınız davranış qəliblərini dərk etməyinizi istəyirəm.

Yetkinliyə gedən yolda ünsiyyət

Ətrafınızdakı bütün qadın və kişilərin yazarkən, düşünərkən, danışarkən istifadə etdiyi 3 əsas ünsiyyət modeli var. Bu 3 modeli bilmək sizə üstünlük və fərqlilik bacarığı verər. NLPDAP Hissi Qavrama Sisteminə görə, zehni görüntüləri güclü olan qadın və kişilərə “görünüşə meylli”, səslərlə düşünən qadın və kişilərə “eşitməyə meylli”, hissləri ilə düşünən və hərəkət edən qadın və kişilərə isə “təmasa meylli”lər (bədən təması, birinə toxunmaq) deyilir. Kişilərin təxminən 75 %-i “görünüş”, “səs” və “hisslərlə” düşünür. 25 faizində isə yalnız bunlardan biri güclü olur. Siz qadın və ya kişi olaraq təsir etmək, ismarıcınızı tam catdırmaq, istədiklərinizi əldə etmək istəyirsinizsə, “görünüş”, “səs” və “hisslər”dən ibarət ünsiyyət sistemindən istifadə edin. Nəticəni görüb çox sevinəcək və təəccüb edəcəksiniz.

“Fərqi yaradan hər zaman fərqdir.”

“Mustafa Kılınç”

(Karikatura 4)

Görünüşə Meylli Qadın və Kişilərin Əsas Xüsusiyyətləri

“Həyat bir təsadüf deyil. Həyatı necə yaşayırsınızsa, insanlarla necə ünsiyyət qurursunuzsa, həyat da Sizə onu verəcək”.

“Mustafa Kılınç”

Görünüşə meylli insanlar dünyanı görüntülərə görə dərk edirlər. Adətən, sürətli danışırlar. Tez-tez mövzudan-mövzuya keçirlər. “Gözümün qarşısında”, “gözqamaşdıran gözəllik” kimi, ifadələr işlədirlər.

Belə insanlar düşünəndə gözlərinin önündən tez-tez obrazlar keçir. Yolda gəzəndə belə, xəyal qurduqları üçün tez-tez sağa-sola dəyirlər. Yenilikçi və yaradıcı olurlar. Belə insanların masaları təmiz, hər şeyləri yerli-yerində və səliqəli olur. Çox yaxşı memarlıq və rejissorluq bacarıqları olur. Rabitəsiz danışırlar. Düşünəndə bəzən gözlərinin önündən hissə-hissə rəsmlər və filmlər keçir. Məntiqlərindən daha çox hisslərinə güvənirlər. Ətrafdakı insanlar tərəfindən tez-tez xəyalpərəst və dağınıq olmaqda ittiham olunurlar. Qarşılarındakı insanı dinləyərkən kağız üzərində qaralamalar etməyi sevirlər.

İş həyatında təşəbbüskarlar, siyasətdə və ya başqa sahələrdə liderlər bu tip insanlar arasından çıxır. Belə insanların zəkası hər zaman gələcəkdə yarana biləcək fürsətlər və ya problemlər üzərində köklənir. Hadisələri bir bütün olaraq gördükləri üçün əsasən münasibətlərə və əlaqələrə əhəmiyyət verirlər. Buna görə də problemlərin yaranma səbəbini çox tez anlayıb, çox tez də qərar qəbul edirlər. Çox cəsarətli olurlar. Xəyalları onları hər zaman haralarasa aparır. Bu səbəbdən bəzən sürətli hərəkət edərək səhvlərə yol verə bilirlər. Fikir bildirməyi həmin işi görməkdən üstün tuturlar.

Yetkinliyə gedən yolda ünsiyyət

Görünüşə meylli insanlar dünyanı görüntülərlə dərk edirlər.

Eşitməyə Meylli Qadın və Kişilərin

Əsas Xüsusiyyətləri

Belə insanlar dünyanı sözlər və səslərlə dərk edirlər. Nə danışacaqlarını dəfələrlə beyinlərində təkrarlayırlar. Danışıqları ritmik, ahəngli və səliqəlidir. Mövzunu sırayla birindən digərinə keçmədən izah edirlər. Orta sürətdə danışırlar. Adətən, başları ortada və ya bir qədər yana doğru əyilmiş formada olur. Nə dediklərini özləri eşitməlidirlər.

Öz içlərində yüksək səslə ucadan və uzun müddət danışdıqlarından, adətən, boşboğaz olurlar. Tez-tez danışdıqları üçün yanlarında belə, onlara səslənsəniz, sizi eşitməyə bilərlər. Adətən, qəlblərinin səsinə qulaq asır və “öz-özümə dedim ki…” ifadəsini çox işlədirlər.

İş həyatında və idarəçilikdə uğur qazananlar bu tip insanlar arasından çıxır. Daxili dünyalarındakı dialoqlar onları daim həyata qarşı hazırlıqlı edir. Hər zaman sistemli düşünürlər və bu sistemin axsamaması üçün hazırlıqlı olurlar. Əsasən qorxaq olurlar. “Amanın günüdür, bir səhv olmasın” devizi bu insanların fəlsəfəsidir. Beləliklə, qarşımıza həssas və təmkinli bir idarəçi çıxır. Lakin bu insanlar əvvəlcədən oturuşmuş sistemləri yaxşı idarə edirlər.

Təmasa Meylli Qadın və Kişilərin Əsas Xüsusiyyətləri

Bu insanlar dünyanı hisslərlə dərk edirlər. İstənilən vəziyyətdə özlərinin orada – o insanların yanında olduğunu düşünürlər və o insanların nə hiss etdiklərinə və hisslərinə fokuslanırlar. Çox hərəkət edirlər. Ağır, dərindən gələn emosional bir tonda danışırlar. Danışarkən “problemlərin ağırlığı”, “işlərin çoxluğu”, “acıların dərinliyi” kimi sözlərdən istifadə edirlər. Bu zaman mütləq insanlara və ya əşyalara toxunurlar. Çox yaxşı emosional çıxış yolları tapırlar. Şairlər, psixoloqlar, roman yazarları, əsasən, bu kateqoriyadan olan insanlardır. Adətən, rahat geyinməyə üstünlük verirlər.

Texniklər, biznesmenlər və sənətçilər də bu insanlar arasından çıxır. Keçmişdəki problemlərdən ibrət almaq və ya gələcəkdə baş verəcək dəyişikliklər onları çox maraqlandırmır. Vücudları ilə işləməyi sevirlər. Harada və hansı kürsüyə oturduqları onlar üçün əhəmiyyətlidir. Özləri də, masa və daxılları da səliqəsizdir. Geyimlərinə çox diqqət yetirmirlər.

Hər bir insanın içində potensial olaraq 3 sistem mövcuddur. İnsanın üzərinə düşən vəzifə ən üst potensiala yetişmə nöqtəsində bütün imkan və bacarıqlarından faydalanmaq üçün sahib olduqlarını inkişaf etdirməkdir.

Düşünmə və davranış formaları ilə onu ifadə forması arasında fərq olur.İnsanların sözlərini, davranışlarını və göz hərəkətlərini izləməklə onların hansı sistemdən istifadə etdiyini müəyyən etmək olar. İnsanın hansı kanaldan istifadə etdiyi məlum olsa, onun hansı xüsusiyyətlərə sahib olacağını da ehtimal etmək mümkün olar. Bu ipucları ilə insanın zehni mərhələlərinin necə inkişaf etdiyini təsbit etmək olar.

“Mütləq evlən. Xanımın yaxşıdırsa xöşbəxt, pisdirsə filosof olarsan”.

Sokrat

Başa düşdüm

Elə bir həyat yaşayıram ki,

Cənnəti də gördüm, cəhənnəmi də.

Elə bir sevgi yaşadım ki,

Ehtirası da gördüm, məğlub olmağı da.

Bəziləri seyr edərkən həyatı, ən öndən

Özümə bir səhnə tapdım, oynadım.

Elə bir rol veriblər ki,

Oxudum, oxudum, anlamadım.

Öz-özümə danışdım.

Bəzən evimdə həm hirsləndim, həm də güldüm halıma.

Sonra dedim ki, söz ver özünə,

Dənizləri sevirsənsə, dalğaları da sevəcəksən.

Sevilmək istəyirsənsə, əvvəl sevməyi öyrənəcəksən.

Uçmağı sevirsənsə, enməyi də biləcəksən.

Qorxaraq yaşayırsansa, həyatı sadəcə seyr edə biləcəksən.

Elə bir həyat yaşadım ki,

Son yolculukları erkən yaşadım.

Elə çox dəyərliymiş ki, zaman,

Hər zaman tələsdim bu səbəbdən. Başa düşdüm.

Nitsşe

Qadın-Kişi Münasibətlərində “Razı Salmağın” Gizli Gücü

“İnsanlar hisslərinin məsuliyyətindən qaçmaq üçün bəhanə axtarmaqda peşəkarlaşıblar”.

“Mustafa Kılınç”

Görünüşə meylli qadın və kişini razı salmağın yeganə yolu onlara nəticənin portretini göstərməkdir. Əks halda, onları razı salmağınız mümkün olmayacaq.

Eşitməyə meylli qadın və kişini razı salmağın yeganə yolu onlara nəticədə ortaya çıxacaq danışıqlardan bəhs etməkdir. Onları sonda eşidəcəyi kəlmələrdən istifadə etməklə razı sala bilərsiniz.

Təmasa meylli qadın və kişiləri razı salmağın tək yolu isə nəticədə yaranacaq vəziyyəti hiss etməsini təmin etməyinizdir.

Qəribə də olsa görünüşə meylli insanlara hədiyyə alarkən qutulara və görünüşünə diqqət etməlisiniz. Çünki onlar hədiyyənin dəyərindən çox, qutularına diqqət edirlər. Hədiyyə qutularını çox maraqla

açırlar.

Təmasa meyllilər isə hədiyyəni əllərində tutaraq hiss edirlər.

Eşitməyə meylli insanlar səslərə önəm verirlər.

Bəhs etdiyimiz 3 təmsiledici kanaldan başqa qavrama dili də mövcuddur. Qavrama dilinin duyğusal fəaliyyətlə heç bir əlaqəsi yoxdur. Bu səbəbdən qavrama dilindən istifadə edən natiq və ya yazar tamaşaçısını, oxucusunu darıxdırar. Rəsmi xəbərlər, rəsmi açıqlamalar və TRT xəbər proqramlarına baxdığımızda belə vəziyyətlə qarşılaşırıq.

Mənalı mesajlar vermək əvəzinə, ağıllı görünmək istəyən professorlar, vəkillər bu üsuldan çox tez-tez istifadə edirlər. Bu adamların məqsədi mesaj vermək deyil, ağıllı görünməkdir.

Qadınlar nə istəyir, kişilər nə verir?

Bəzən də neytral kəlmələrdən istifadə edirlər. Ünsiyyət zamanı bunların fərqində olmaq bizə fərqlilik qazandırır.

İnsanların hansı təmsiledici sistemdən istifadə etdiyini anlamaq üçün onları müşahidə etmək lazımdır. Bu insanların danışıqları, davranışları, xüsusən də göz hərəkətləri bu sistemi müəyyən etmək baxımından vacib ipucları verir. Bu ipuclarını tapmaq üçün:

1.İnsanların sözlərinə və əməllərinə,

2. Göz hərəkətlərinə diqqət etmək lazımdır.

Qadınlarda və Kişilərdə Sözlərin və Hərəkətlərin Verdiyi İpucları

“Uğurlu ünsiyyətin, təsir bağışlamağın və dəyişiklik etməyin başlıca şərti uzlaşmadır”.

“Mustafa Kılınç”

Kitabın bu hissəsində sizinlə Qadınlarda və Kişilərdə Sözlərin və Hərəkətlərin Verdiyi İpuclarını bölüşmək istəyirəm.

Bir qadını və ya kişini həqiqətən tanımaq üçün mütəxəssis olmağa ehtiyac yoxdur. Etməli olduğunuz yeganə şey sizinlə bölüşəcəyim “sözlü və hərəkətli” ipuclarına diqqət yetirmənizdir. Bir qədər diqqətli olmağınız kifayət edir. Bununla hər şey ortaya çıxacaq.

“Siz var olan şeyləri görür və deyirsiniz: Niyə? Amma mən olmayan şeyləri xəyal edirəm və deyirəm: Niyə də olmasın?”

G.Bernard Şou

Görünüşə meylli ünsiyyət sistemindən istifadə edən qadın və kişilər: Adətən, yuxarı baxaraq beyinlərində nəyisə canlandırırlar. Bu zaman boyunlarında gərginlik yaranır, başlarını arxaya doğru aparır və alınlarını qırışdırırlar. Belə insanlar tez-tez boyun və baş ağrılarından şikayət edir. Qısa və sürətli nəfəs alır, tez-tez və yüksək tonda danışırlar.

Qadınlar nə istəyir, kişilər nə verir?

Eşitməyə meylli ünsiyyət sistemindən istifadə edən qadınlar və kişilər: Yavaş və səsləri uzadaraq danışırlar. Danışıq əsnasında qələmlə oynamaq və ayaqlarını hərəkət etdirmək kimi, ritmik bədən hərəkətləri edirlər. Başlarını əyərək dinləyici görünüşü alırlar.

Təmasa meylli ünsiyyət sistemindən istifadə edən qadınlar və kişilər: Ağır tempdə danışır, yavaş nəfəs alırlar. Adətən, aşağı baxırlar. Görməkdən və eşitməkdənsə, hiss etməyə üstünlük verirlər.

Sözlə ifadə etməyə üstünlük verən insanların tez-tez istifadə etdiyi kəlmələr və bənzətmələr var. Görünüşə meylli sistemdən istifadə edən insanlar daha çox görüntüyə, eşitməyə meylli sistemdən istifadə edənlər eşitmə ünsürlərinə, təmasa meylli sistemdən istifadə edən insanlar isə hiss etməyə yönələn kəlmə və bənzətmələrdən istifadə edirlər.

“Gülümsəməkdən heç vaxt vaz keçmə. Kədərli olduğunda belə, gülüşünə kimin, nə zaman aşiq olacağını bilə bilməzsən”.

Qabriel Qarsia Markes

(Karikatura 5)

Görünüşə Meylli Qadın və Kişilər Üçün Xüsusi Əhəmiyyət Daşıyan Kəlmələr

“Görə bilmədiyiniz hədəfi vura bilməzsiniz”.

“Mustafa Kılınç”

Bu kateqoriyadan olan qadın və kişiləri əldə etməyin, razı salmağın, onlarla eyni mövqedə olmağın yolu onların dünya modelinə uyğunlaşmaqdan keçir.

Bu cür insanlar üçün xüsusi önəm daşıyan kəlmələri sizinlə bölüşürəm.

Kəlmələr qrupu Məcazlar qrupu

Görmək Hər şey çox dəqiqdir

Baxmaq Göz-gözə

Parlaq Qaşla göz arasında

Fokuslanmaq Nə demək istədiyini

mənə göstər

Dəqiq olmaq Hər şey ortadadır

Müşahidə etmək Bu prizmadan baxsan

Görüntü Həyata rəng qatmaq

Rəngsiz Bu həyatın kor nöqtəsini

kəşf etdim

İfşa etmək Yolun sonu görünür

Qaranlıq Gözləri kor olmaq

Eşitməyə Meylli Qadın və Kişilər Üçün Xüsusi Əhəmiyyət Daşıyan Kəlmələr

“Hər bir insanın dünyanı dərketmə və gerçəklik xəritəsi fərqlidir”.

“Mustafa Kılınç”

Bu kateqoriyaya aid qadın və kişilər üçün səslər çox önəmlidir. Səslər onlar üçün hər şeydir. Belə insanlarla birlikdəsinizsə, səsinizdən yaxşı istifadə edin.

Kəlmələr qrupu Məcazlar qrupu

Səssiz Qulaqları kar etmək

Ahəngli Zəng çalmaq

Kar olmaq Sözbəsöz

Danışmaq Dili dolaşmaq

Çingildəmək Bülbül kimi ötmək

Gurultu Uzlaşmaq

Harmoniya Şeir kimi danışmaq

Dalğa Dili tutulmaq

Eşitmək Şadlanmaq

Danışmaq Of, aman

Ünsiyyətin mənası aldığınız reaksiyadır!

“Kəlmələrin gücünü bilmədən insanları anlamaq qeyri-mümkündür”.

Konfutsi

Təmasa Meylli Qadın və Kişilər Üçün Xüsusi Əhəmiyyət Daşıyan Kəlmələr

“Hisslər olmadan heç bir qaranlıq aydınlığa çıxmaz, heç bir ətalət hərəkətə çevrilməz”.

K.Yunq

Həyatda iki tip insan var. Tozu dumana qatanlar, toz-dumanı udanlar.

Tozu dumana qatanlar üzüyola və rahat insanlardırlar. Xöşbəxt ola da, olmaya da bilirlər. Bir gün sevilməz, o biri gün sevilərlər.

Toz-dumanı udanlar isə son dərəcə bəsitdirlər, hisslər baxımından da risksiz həyata üstünlük verirlər. Çox ağlamağı sevməzlər. Münasibətləri, sevgiləri və ehtirasları da bəsit olur. Çox vaxt ehtirassızdırlar. Bu qrupa aid olan qadın və kişilər hiss baxımından riskə getməkdən qorxarlar. Dərin duyğular hiss etməyə başlayanda da qorxar, özlərindən qaçarlar. Eyni zamanda sevdikləri insanı incitməmək üçün hisslərini fəda edərlər. Sonra da bütün hisslərini öldürüb ən sevdikləri insanın belə, həyatını cəhənnəmə cevirərlər.

Kəlmələr qrupu Məcazlar qrupu

Hiss etmək İliklərində hiss etmək

Təmas etmək Üstünə basmaq

Yumşaq Yaranı deşmək

İsti Özünə hakim olmaq

Nahamar Köklü

Kobud Qəzəblənmək

Qadınlar nə istəyir, kişilər nə verir?

Tərpətmək Xüsusi qeyd etmək

Vurğulamaq Soyuqqanlı olmaq

İncimək Təmas qurmaq

Ağır Ağır olmaq

“Həqiqətləri görən gözləriniz deyil, beyninizdir. Sağ beyninizi hərəkətə gətirərək uğur dünyasının qapılarını aça bilərsiniz”.

“Mustafa Kılınç”

Qadın və Kişilərin Ən Səmərəli
Ünsiyyət Şifrəsi

“Bir insanın strategiyalarını bilmək, onu fəth etməkdir”.

“Mustafa Kılınç”

Siz də ünsiyyətin şifrələrini müəyyən edin. Necə ünsiyyət qurursunuz? Kim, kimə nə ötürür? Necə ötürür? İnsan faktorunu formalaşdıran beyin, dil və davranış üçbucağıdır. Hər bir insanın beyni və strategiyası bir-birindən fərqlidir (dünyanı dərketmə formamız, qərar vermə mərkəzimiz və s.). İş, tətil, idman, ünsiyyət, fərdi qabiliyyət, satınalma, zaman, sevinc, gələcək, uğur, yemək və razı salmaq – bu istiqamətlərdəki şifrələrinizə aparan yollar aşağıdakılardır.

Aşağıdakı suallara dürüst cavablar verərək şifrənizi tapa bilərsiniz.

Sualları çox düşünmədən cavablayın.

1. Toplantıda bəyəndiyiniz biriylə tanış oldunuz. Onu düşünərkən ilk əvvəl:

a.üzünü, geyimini;

b. sizə söylədiyi sözləri;

c.əlinizi sıxarkən ovuclarının istiliyini xatırlayardınız.

2. Biri sizə ünvan tərif edərkən hansı üsülla izah etməsini istərdiniz?

a. gedəcəyiniz yolu kağız üzərində izah etməsini;

b.ünvanı tərif edərkən tanıdığınız bina və yerləri qeyd etməsini;

c. lazımi məlumatları aldıqdan sonra gedəcəyiniz yeri fəhminizlə asanlıqla tapa bilirsiniz.

3. Qərar verməzdən əvvəl:

a. olacaqları beyninizdə canlandırırsınız;

b. zehninizlə seçimləriniz arasında tərəddüd edirsiniz;

c. içinizdən gələn hissə görə qərar verirsiniz.

Qadınlar nə istəyir, kişilər nə verir?

4. Bir yaxınınız uzun bir iş səyahətindədir və sizə bir bağlama göndərir.

a. içindən sizə yazdığı bir məktubun çıxmasını;

b.öz səsi ilə oxuduğu romantik bir mahnının müşayiəti ilə sevgisini ifadə edən bir kasetin çıxmasını;

c. onu xatırladan ətir sıxılmış bir əşyasını göndərməsini istərdiniz.

5. Riyazi bir problemi həll edərkən

a. rəqəmlər gözünüzün önündə canlanır;

b. rəqəmləri beyninizdə sayırsınız;

c. barmaqlarınızın köməyi ilə işinizi asanlaşdırırsınız.

6. Bu bacarıqlarınızdan hansına etibar edirsiniz?

a. bir dəfə gördüyüm üzü asanlıqla unutmuram;

b. bir mahnını bir neçə dəfə dinləyəndən sonra oxuya bilirəm;

c. ilk dəfə yediyim yeməyin içində nələrin olduğunu müəyyən edirəm.

7. Sevmədiyim bir insanın:

a.üzünü görəndə narahat oluram;

b. səsini eşidəndə narahat oluram;

c. yaxınımda olanda narahat oluram.

8. Yeni bir avtomobil alanda mənim üçün:

a. görünüşü əhəmiyyətlidir;

b. sürəti və motorunun səsi əhəmiyyətlidir;

c. içinin rahatlığı və oturduğum yerin yumşaqlığı əhəmiyyətlidir.

9. Tətil üçün yer seçərkən həmin yerlə bağlı:

a. həmin yerlə bağlı bukletləri görmək istəyirəm;

b. həmin yerə getmiş dostlarımın fikirlərini əsas götürürəm;

c.əsas məsələ qumun yumşaqlığını və dənizin qoxusunu hiss etməkdir.

10. Bir iş üçün eyni bacarığa sahib 3 insan müraciət edir. Hansına üstünlük verərdiniz?

a. gözəl, yaraşıqlı görünüşü olana;

b. adi görünüşlü, lakin üzüyola və təsirli səs tonu olan birinə;

c. tərziylə xüsusi seçilməyən, lakin sizdə etibar və inam yaradan birinə.

11. Mən insanların daha çox……………..başa düşdüyünü düşünürəm.

a. baxışlarla;

b. sözlərlə;

c. toxunaraq.

12. Əvvəllər etdiklərimi tam olaraq xatırlamaq istəsəm, ağlıma ilk gələn…..

a. gördüklərimdir;

b. eşitdiyim sözlərdir;

c. keçirdiyim hisslərdir.

Bu sualları cavablandırmaq, təbii ki, özünüzü tanımağınız üçün kifayət etməyəcək. Lakin yenə də yaxşı bir başlanğıc olacaq.

Zəhmət olmasa, testdəki cavablarınıza uyğun olaraq aşağıdakı bölmələri doldurun.

a.=………

b.=………

c.=………

Daha çox “a” variantını seçmisinizsə, görünüşə meylli insansınız.

Daha çox “b” variantını seçmisinizsə, eşitməyə meylli insansınız.

Daha çox “c” variantını seçmisinizsə, təmasa meylli insansınız.

“Əsas məsələ hansısa bənd üzrə güclü olmaq deyil, bu bəndlər üzrə tarazlığı təmin etməkdir”.

“Ünsiyyətin sehri – düzgün bədən dili, səs tonu və düzgün kəlmələri tapmaqda gizlənib”.

“Mustafa Kılınç”

ÜÇÜNCÜ HİSSƏ

Gözlər Beynin Güzgüsüdür

Ünsiyyətdə olduğunuz insanların göz hərəkətlərini, baxış istiqamətlərini mənimsəyə bilməyiniz ünsiyyət zamanı istədiyiniz nəticəni təmin edər. Bu günə qədər bizə “gözlər qəlbin güzgüsüdür, onlar yalan söyləməzlər” deyiblər. Təbii ki, biz də inanmışıq. Halbuki həqiqət heç də belə deyil. Əslində gözlər qəlbimizin yox, beynimizin güzgüsüdür. Yalan və doğrunu bizə onlar söyləyir.

Siz danışarkən, yazarkən və düşünərkən gözləriniz sağa-sola, yuxarıya- aşağıya, qulaq istiqamətinə hərəkət edər. Bunların gəlişigözəl hərəkətlər olduğunu düşünürsünüzsə, yanılırsınız. Siz hələ danışmağa başlamazdan əvvəl gözləriniz düşüncələrinizlə əlaqəyə girərək hərəkətə keçər.

“Sevmək bir-birinə deyil, birlikdə eyni istiqamətə baxmaqdır”.

A.Ekzüperi

Göz şüursuzcasına hərəkət edər və bunun fərqində belə, olmaz. İnsanlar danışarkən öz göz hərəkətlərini izləmək istəsələr, bunu bacarmazlar. Göz hərəkətləri onları başqası izləyərkən faydalı bir ipucu verə bilər. İnsanların sol tərəfə baxması nəyisə xatırladığını, sağ tərəfə baxması beynində nəyisə qurduğunu göstərir.

Qarşınızdakı qadın və ya kişi danışarkən:

– Yuxarı baxırsa, görünüşə meylli olduğuna;

– Sağa-sola (qulaq istiqamətinə) baxırsa, eşitməyə meylli olduğuna;

– Aşağı baxırsa, təmasa meylli olduğuna və ya “ürəyində danışan” biri olduğuna işarə verir.

Qarşınızdakı insanların nə düşündüklərini, hansı xarakterə sahib olduqlarını, sizə qarşı dürüst olub-olmadıqlarını müəyyən edəcək göz hərəkətlərinin məna və formalarını sizlərlə bölüşəcəm. Aşağıdakı mənzərə sağ əldən istifadə edənlərə, onun əksi isə solaxaylara aiddir.

“Kiçik nöqtələr böyük fərqlər yaradır”.

“Mustafa Kılınç”

(Karikatura 6)

Gözlərini Hədəfinə Doğru Yönəlt

“Əslində görən gözləriniz deyil, beyninizdir”.

“Mustafa Kılınç”

Həyatla bağlı bir məsləhət istənildiyində 87 yaşlı kor bir adam – A.Ortiz bu cavabı verib: “Ey gənc, qaçarkən dağın başına bax. Gözlərini dağdan ayırma, kilometrlərin ayaqlarının altında əriyib getdiyini hiss edəcəksən. Nə vaxt ki, həyatın çətinlikləri ilə üzləşdin, dağın başına baxdığını xatırla. Bu zaman çətinliklər nə qədər böyük görünürsə-görünsün cəsarətini qıra bilməyəcək”.

(Karikatura 7)

Qadın və Kişidə Hədəfə Vuran Göz Şifrəsi

“Gözlərimiz həyatın həqiqətlərini əvvəlcədən mühakimə etmədən və hərtərəfli görməyi öyrənməlidir”.

“Mustafa Kılınç”

Aşağıda bölüşəcəyim “göz ünsiyyəti” tablosu sizin fərqli olmağınızı təmin edəcək. Bu şifrədən istifadə edəndə nəticələrinə çox təəccüblənəcəksiniz. Gəlin, keçək şifrəyə.

(Şəkil 3)

Göz Hərəkətlərindəki Gizli İpucları

“Gözlərdəki dəyişikliklərə baxaraq, bir insanın zehni və emosional vəziyyəti haqda vacib məlumatlar əldə edə bilərsiniz”.

“Mustafa Kılınç”

Verəcəyim ipucları sizə güc, uğur və sevgi qazandıracaq. Sadəcə, oynayın, həyatdan zövq alın.

İnformasiya = Güc = Məsuliyyət

(Vizual görüntülər)

Sağa – yuxarı doğru: Gözlər sağa – yuxarıya doğru baxırsa, vizual quruluş verməklə məşğuldur. (G.K.) Əvvəllər görmədiyi insanları və ya əşyaları, yaşanmamış hadisələri, yaxud yaşadığı, lakin dəyişdirmək istədiyi təcrübələrini təsəvvür edərkən gözlər sağa – yuxarıya tərəf baxır. Vizual quruluş verməyə başladığınız andan gözlər sağa – yuxarıya tərəf hərəkət edər.

Qadınlar nə istəyir, kişilər nə verir?

(Vizual xatırlanan görüntülər)

Sola – yuxarıya tərəf: Gözlər sola – yuxarıya tərəf baxırsa, deməli, vüzual olaraq nəyisə xatırlayıb. Daha əvvəl görülmüş insanlar və əşyalar, yaşanmış hadisələr vizual xatirələrdə canlanır. İnsanlara keçmişə dair nəyisə təsvir edən suallar verildiyində cavabdan əvvəl gözlərini bu şəkildə hərəkət etdirirlər. Bu zaman insanın baxışları donuq və boş olsa belə, yenə beynində nəyisə təsvir edən düşüncələr olur. (Məsələn, xöşbəxt bir anın xatırlanması, avtomobilin rəngi, uşaqkən otağının rəngi və s.)

(Yaradılan səslər)

Sağ tərəfə (qulaq istiqamətinə) doğru: İnsanların sağ tərəfə baxmaları bir şeyin səsinin necə olacağını təsəvvür etdiklərini göstərir.

Daha əvvəl eşidilməmiş səslər, ifadələr düzəltməyə çalışıldığında gözlər bu formada hərəkət edər (qatar fitinin kitabı vərəqləmə səsinə çevrildiyini təsəvvür etmək).

Gözlər beynin güzgüsüdür

(Xatırlanan səslər)

Sol tərəfə (qulaq istiqamətinə) doğru: İnsanların sol tərəfə baxmaları eşitdikləri bir şeyi xatırladıqlarını göstərir. Bu zaman əvvəllər eşitdiyi, yaşadığı təcrübələrə aid səsləri xatırlamağa çalışır. Keçmişdə yaşanmış bir təcrübəyə aid səslər xatırlanarkən gözlər sol tərəfə baxır. (Avtomobil motorunun səsini, axan suyun səsini, sevdiyiniz dostunuzun səsini xatırlamaq kimi).

(Hisslər və vücud həssaslığı)

Sağa – aşağıya tərəf: İnsanların sağa – aşağıya tərəf baxmaları, fiziki və emosional hissləri ilə əlaqəyə girdiklərini göstərir. Eyni hisslər təkrar yaşandığında, toxunuşlar və ya vücuddakı emosional hərəkətlər yenidən xatırlandığında gözlər sağa – aşağıya tərəf baxır (pişiyin tüklərinin yumşaqlığını, yalın ayaqla xalçaya toxunduğunuzu düşünmək kimi).

Qadınlar nə istəyir, kişilər nə verir?

(Daxili dünyası ilə dialoq)

Sola – aşağıya tərəf: İnsanın sola – aşağıya tərəf baxması daxildə özü ilə danışdığını göstərir. NLP-də buna öz daxili ilə dialoq deyirlər. İnsan özü ilə danışdığında bu yönə baxır. Səhv qərar verdiyini düşünən insanlar problemi həll etməyə çalışanda bu formada davranırlar. İnsanın özüylə söhbəti, adətən, hər hansı bir problemlə bağlı olur və bu zaman insan daha çox aşağıya doğru baxır. Bu da insanın səhv təcrübələrə proqramlanmasına və aşağı baxdığı üçün ətrafı ilə əlaqəni kəsməsinə səbəb ola bilir (Dövlət himninin əzbərdən oxunması, hər hansı məsələ ilə bağlı özünüzə təsəlli vermək kimi).

İnsanların yaddaşlarındakı qeydləri xatırlama formaları fərqlidir. Xatirələri şüurlu formaya salmaq üçün istifadə olunan sistemə “qabaqcıl sistem” deyilir. Qabaqcıl sistem təmsiledici sistemlə eyni və ya fərqli ola bilir.

Gözlərin verdiyi ipucları insanların hansı təmsiledici sistemdən istifadə etdiklərini ortaya qoyur. Bu, şüurlu şəkildə konkret bir təmsiledici sistemə çatmağımızı asanlaşdırır. Çünki tam olaraq hara baxdığımızı bilmiş oluruq.

Qorxduğumuzda və ya utandığımızda yerə tərəf baxmağımız kinestetik hisslərimizi ifadə edir. Dad, qoxu və duyğuları yaratmaq yox, hiss etmək olar. Qarşınızdakı insan sizin sağ ayağınıza tərəf baxırsa, ona hər hansı məlumat verməyin və ya nəsə deməyin mənası yoxdur. Çünki o insan həmin vaxt özü ilə dialoq yaradır.

Qadın və Kişinin Göz Ünsiyyəti Dilindən İstifadəsi

“Böyük sevginin olduğu yerdə böyük möcüzələr var”.

Villa Kater

İndiyə qədərki yolculuğumuzda gördük ki, insanların düşünmə seçimlərini müəyyən etmək üçün fərqli üsullar var. İndi sizlərlə birlikdə maraqlı bir test edəcəyik. Başqalarından fərqli olduğunuzu göstərən bu testlər uğurun, sevginin, rahatlığın həzzini yaşaya bilməyiniz üçün hazırlanıb. Gəlin, “gözlərin dilinə” doğru səyahətə çıxaq.

Bu andan etibarən ünsiyyətdə olduğunuz qadın və ya kişinin göz hərəkətlərini təhlil edin. Bunu edərkən özünüzə bir videokamera kimi yanaşın. Əvvəlcə sadə bir müşahidə aparın. Nəyi görəcəyinizi, göz hərəkətlərinin hansı nöqtəyə doğru yönələcəyini izləyin. İkinci mərhələdə müxtəlif suallar verin və hər sualdan dərhal sonra qarşınızdakı insanın göz hərəkətlərini izləyin. Verdiyiniz sualdan asılı olaraq qarşınızdakı görünüşə fokuslanıbsa, sola – yuxarıya; səslərə fokuslanıbsa, sol qulaq istiqamətinə; sualla bağlı daxili ilə dialoqdadırsa, gözlərini sola – aşağıya doğru hərəkət etdirəcək.

Qadınlar nə istəyir, kişilər nə verir?

Sualınız gələcəyə dair qərar, layihə və hədəflərlə bağlıdırsa, göz hərəkətlərinin sağa tərəf olduğunu görəcəksiniz. Bu, əsasən, sağ əlindən istifadə edənlər üçün keçərlidir. Bunun əksi isə solaxaylara aiddir.

“Həyat dediyiniz yolculuq – razı salmaq və razı olmaqdır”.

“Mustafa Kılınç”

Bunları bilmək Sizə nə verir?

Qarşınızdakı insanın istifadə etdiyi danışıq və düşünmə formasını bilməyi

İstiqamətləndirmək və razı salmaq üçün lazım olan vasitələri bilməyi

Təsirli ünsiyyətin gücündən istifadə etməyi

İstəklərinizi həyata keçirmək, güc və uğur qazanmaq, mükəmməl bir sevgiyə nail ola bilmək üçün lazım olan yeganə şey gözlərdən təsirli şəkildə istifadə etməkdir.

Qadın və Kişidə Dörd Əsas Hiss

“Duyğular davranışlarımızın xəbərçisidir və bizlər duyğularımızla həmsöhbətik”.

“Mustafa Kılınç”

İstəsək də, istəməsək də duyğularımızla həmsöhbət olmağa məcburuq. Çünki hərəkətlərimizə əsas impuls verən duyğularımızdır. Sevimli müəllimim Antoni Robbins bizlərə duyğulardan bəhs edərkən dörd əsas qavrama üsulunun olduğunu demişdi. Altı illik peşəkar mütəxəssislik həyatımda bunları dəfələrlə sınaqdan keçirdim. Nəticə heç dəyişmədi. İndi sizlərə insanların duyğularını necə idarə etdiklərindən danışacam. İnsanlar duyğularını dörd şəkildə idarə edirlər.

“Yeni sevgilərin köhnə təcrübələrə heç bir aidiyyəti yoxdur.

Sevgi hər dəfə yepyenidir”.

Paulo Koelyo

Hisslərdən qaçmaq:

Hər birimiz bizə acılar yaşadan duyğulardan qaçmağa çalışırıq. Hətta bəziləri özünü təhlükəsiz hiss etmək üçün hər hansı duyğunu özünə yaxın buraxmır, həyəcanverici münasibətlərdən qaçır. Duyğularla bu şəkildə rəftar etmək çox pisdir.

Qadınlar nə istəyir, kişilər nə verir?

Xoş olmayan hisslərdən qaçmaq sizi bir müddət qoruya bilər. Amma sevgini, yaxınlığı və müvəffəqiyyəti sizdən uzaqlaşdırar. Halbuki bir vaxtlar sizə xoş gəlməyən hisslərdə də məna tapa bilərsiniz. O mənanı tapa bilsəniz, hisslərinizdən bir daha qaçmazsınız.

İnkar:

Duyğularla mübarizə aparmaq üçün tətbiq edəcəyiniz ikinci şey inkardır. Bəzən insanlar özlərini hisslərdən azad etmək üçün “bu o qədər də pis hiss deyil” deyirlər. Özlərini aldadırlar. Halbuki içləri qan ağlayır. Hisslərinizin sizlərə verdiyi mesajları görməməzlikdən gəlməklə vəziyyəti daha da pisləşdirərsiniz. Özünüzə və hisslərinizə qarşı dürüst olun. Hisslərinizin sizə vermək istədiyi mesajları görməməzlikdən gəlsəniz, o hisslər daha da güclənər və çoxalar. Ta ki diqqətinizi o hisslərinizə yönəldənə qədər.

Rəqabət:

Əgər hisslərinizin sizə verdiyi mesajı görmürsünüzsə, üstəlik başqaları ilə rəqabətə girib “mən səndən də pis vəziyyətdəyəm” deyirsinizsə, deməli, emosional fəlakətə sürüklənirsiniz. Bu hissləri keçirirsinizsə, bilin ki, özünüzü həmişə pis hiss edəcəksiniz. Əgər neqativ hisslər daşıyırsınızsa, bəzi xoş olmayan duyğuların pozitiv hisslərə səbəb olma şansını əldən verirsiniz.

Öyrənmə və istifadə etmə:

Yaxşı bir həyat istəyirsinizsə, hiss etdiklərinizin sizə faydalı olduğunu görməlisiniz. Allah bu dünyanı elə bir tarazlıqda yaradıb ki, hissləriniz həyəcan siqnalı çalır. Bunu görməməzlikdən gəlməməli, özünüzdən qaçmamalısınız.

Gözlər beynin güzgüsüdür

Hisslər sizin kompasınızdır. Onları izləyin və sizləri götürəcəyi yeri öyrənməyə çalışın. Kompasınızdan düzgün istifadə etməsəniz, fırtınada dənizin ortasında itər və boğularsınız. Özünüzü boğulma həddinə gətirməyə ehtiyac yoxdur. İstəmədiyiniz hisslərdən hər zaman qurtulmaq şansınız var. Bunun üçün NLPDAP üsullarından faydalana bilərsiniz (www.nlpdap.com). Hisslərdən qurtulmaq, onları sərbəst buraxmaq olduqca asandır. Hisslər həyatınızın daha keyfiyyətli olmasını təmin edən siqnallardır.

Həvəslə hərəkətə keçin. Hər problem həll olunmaq üçündür. Hisslərinizin sizi əsir almasına icazə verməyin. Hər şeydən əvvəl:

– Özünüzə olan inamı artırın.

– Qorxursunuz? Nədən qorxursunuz? Bu sualları vermək əvəzinə, “Necə cəsarətli ola bilərəm?” deyə sual edin. Sualın cavabını axtarın……..

…………………………………………………………………………………………………………………………………………………………………………………………………………………………………………………………..

Hirsli və qəzəblisiniz; hirs və qəzəb şüuraltı göndərilən bir hissdir. Bundan mütləq qurtulmalısınız.

Küsəyənsiniz? Sizi incitmələrinə icazə verməyin. Siz icazə verməsəniz, heç kim sizi incidə bilməz.

“Bilin ki, hər şey məzmununa görə dəyişər”.

“Mustafa Kılınç”

Qadınlar nə istəyir, kişilər nə verir?

Nəfs və Təkəbbür

Nəfs, adətən, insanların daxilində olur. Bu cür hisslərin bir qismi faydalı olsa da, nəfsinə boyun əyənlər cox vaxt məğlub olarlar. Nəfs insanlara sahib olduqlarından daha çoxunu əldə etmək istəyi gətirir ki, bu da bədbəxtliyə yol açır. Hər ifrat duyğuda olduğu kimi, insanlar nəfslərində də özlərini tənzimləməyi bacarmalıdırlar. Yoxsa aqibətləri çox pis olar.

“Həyat okeanında üzmə ehtimalı varkən, bədbinliyinizin dənizində boğulmayın”.

“Mustafa Kılınç”

(Karikatura 8)

Gözlər beynin güzgüsüdür

“Həyatınızın müsbət və mənfi tərəflərinə baxsanız, görərsiniz ki, hamısını öz əllərinizlə meydana gətirmisiniz. Düşüncələrinizə əlavə etdiyiniz hisslər, səslər nə qədər güclü olsa, yaşam sürətiniz bir o qədər artar”.

“Mustafa Kılınç”

Qabaq Ağacı

Qocaman bir söyüd ağacının yanında bir balqabaq tumurcuqlayır. Yaz boyu o, söyüd ağacına sarılaraq uzanmağa başlayır. Yağışın və günəşin təsiri ilə sürətlə böyüyür və təxminən söyüd ağacı ilə bir boyda olur. Bir gün balqabaq dözməyib söyüd ağacından soruşur: “Sən neçə aya bu hündürlüyə çatdın? Ağac deyir: “On ilə”. “On ilə?” – deyə balqabaq gülərək çiçəklərini oynadır və deyir: “Mənsə təxminən iki aya sənin boyuna çatdım”. Ağac da “Elədir”, – cavabını verir.

Günlər keçir və payızın ilk küləkləri əsməyə başlayanda balqabaq əvvəlcə üşüyür, sonra da yarpaqlarını tökür. Soyuqlar gücləndikcə də aşağı enməyə başlayır. Balqabaq təlaş içində söyüd ağacından soruşur: “Mənə nə olur?”. Ağac deyir: “Ölürsən”. “Niyə?” – soruşur balqabaq. Söyüd cavab verir: “Mənim on ilə gəldiyim yerə iki aya çatmağa çalışdığın üçün”.

“SULAR YÜKSƏLƏNDƏ BALIQLAR QARIŞQALARI, SULAR ÇƏKİLƏNDƏ İSƏ QARIŞQALAR BALIQLARI YEYƏR”

“Tövsiyə edirəm ki, həyatınızı olduğu kimi yaşamağınıza nələrin mane olduğunu axtarıb tapasınız”.

“Mustafa Kılınç”

DÖRDÜNCÜ HİSSƏ

Qadınla Kişini Bir-Birinə Cəlb Edən Molekullar – İnanclar

“İnanclarınızın əsasında konkret faktlar yox, onların yaratdığı qavramlar yatır”.

“Mustafa Kılınç”

“İnsanlar hər zaman doğru bildiklərini edərlər və doğru seçimləri ortaya qoyarlar”.

(Karikatura 9)

Qadın və Kişi Olaraq Özünüzə
Olan İnamınız

“Hər gün yaşanaraq mənimsənilən inanclar mənliyinizin bir parçasına çevrilər”.

“Mustafa Kılınç”

Bu hissədə sizə inanclar və onların gücündən danışacam. Fərqində belə, olmadığınız, dəyişməsinin mümkün olduğunu düşünməkdən belə, qorxduğunuz inanclarınızın emosional qavrama proqramı ilə necə dəyişdiyini görəcəksiniz.

Neqativ və ya pozitiv olmasından asılı olmayaraq, sahib olduğunuz hər bir inancın bir formatı və standartı var. Əgər bu format bəlli olsa, inancları dəyişmək, gücləndirmək və ya başqa bir inancla əvəz etmək mümkündür. NLP öz gücünü burada göstərir. Dəyişiklik hər zaman çətindir və vaxt alır. NLP texnologiyaları ilə inancları asan və sürətlə dəyişmək olar. Məsələn, doğru olduğuna əmin olduğunuz bir inancı düşünün. Tutalım, insanlar yardımsevərdirlər. İnsanların yardımsevər olduğunu haradan bilirsiniz? Düşünərkən bəzi şəkillər, səslər və hisslər zehninizdə canlanmağa başlayacaq. Zehninizdə insanların hər zaman yaxşı olduğunu və bir-birilərinə xoş niyyətlə kömək etdiyini təsəvvür edəcək, eşidəcək və hiss edəcəksiniz.

Ola bilsin ki, bunları keçmiş təcrübələrinizdə yaşamısınız. Kimlərsə sizə kömək edib və ya siz kimlərəsə dəstək olmusunuz. Dolayısı ilə bu, düşüncə və hərəkətlərinizi gücləndirəcək.

İndi də bir anlıq xoşagəlməz bir şey haqqında düşünün, məsələn, qadınsınızsa, kişilərin, kişisinizsə, qadınların etibarsız olduğunu. Bu zaman keçmiş təcrübələrimizin fonunda münasibətlərimiz səs və hisslər şəklində beynimizdə canlanacaq. Və bizlər qarşı cinsin etibarsız olduğuna dair inancımızı bir qədər də möhkəmləndirəcəyik. Hər bir inanc sistemi NLP ədəbiyyatında alt sistem adlandırılan bəzi mənbələrə (şəkil, səs, hiss) sahibdir. Mənbələrin forması və sırası dəyişərsə, inanclar da o nisbətdə dəyişəcək. Keçmişinizi düşünün. İnanclarınızda hansı dəyişikliklər olub? Əvvəl nələrə, indi nələrə inanırsınız? Bunlar dəyişimin sübutlarıdır.

Qadınla Kişini Bir-Birinə Cəlb Edən Molekullar – İnanclar

Bununla yanaşı, inanclarımızın formalaşmasında kənar təsirlər böyük rol oynayır. Məsələn, təraş olmaq, makiyaj etmək, həmçinin siqaret çəkmək bir yeniyetmənin böyüdüyünü göstərir. Cəmiyyətdə hərbi xidmətə getmək də bu cür qarşılanır. Yəni hərbi xidmət keçmiş oğlanlar yetkin hesab olunurlar.

Həbsxana həyatı yaşamış insanlara cəmiyyətdə bir başqa cür baxırlar. Bəzi bölgələrdə qan davası ilə bağlı alınan qisas xüsusi bir əhəmiyyət kəsb edir. Əvvəllər də dediyim kimi, inancların formalaşmasında onların nə dərəcədə doğru olduğu önəm daşımır. Adətən, insanlar nəyə inanır və nəyi qəbul edirlərsə, onların doğruları da bu istiqamətdə formalaşır. Cəmiyyətdə ən çətin iş insanların inanc və dəyərlər sistemini dəyişdirərək mentalitetə dəyişiklik etməkdir. Bəşər övladının İntibah dövrünə qədər uzun illər xərclədiyini və böyük cəhdlər göstərdiyini nəzərə alsaq, görərik ki, toplumu əhatə edən dəyişikliklər üçün böyük enerji, güc və zamana ehtiyac var.

İnanc dəyişikliyinin çətin tərəflərindən biri də bu dəyişikliyi nəyə, kimə və hansı dəyərlərə görə etməkdir. Mənbələrin forması və sırası dəyişərsə, inanclar da o səviyyədə dəyişəcək.

İnanclar insanın özü və çevrəsi ilə bağlı baş verənlərə aid qənaətləri, ətrafındakı dünyaya məna verə bilməsi üçün yaratdığı və daxili aləmini idarə edən qaydalardır. Sahib olduğumuz dəyərlər inanclarımıza da təsir edir. İnanclar dəyərlər üzərində daha böyük təsirə malikdir. İnancları insanın böyüdüyü mühit, keçmiş xatirələr və təkrarlanan təcrübələr yönləndirir.

Qadınlar nə istəyir, kişilər nə verir?

Mənbəyindən asılı olmayaraq, inanclar insanları ya gücləndirir, ya da ona mane olur.

İnsanlar hansı inancların onları gücləndirdiyini, hansı inancların da onları zəiflətdiyini bilməlidirlər.

Doğru olduğu düşünülən, amma səbəb olduqlarıyla insanı uğursuzluğa sürükləyən inanclar var.