Ихтисослашган дастурий воситалар

Zamonaviy matematika fanida bu fanga ixtisoslashgan amaliy dasturiy vositalardan foydalanish katta ahamiyatga ega, chunki bunday dasturiy vositalar matematika faniga oid masalalarni tezkorlik bilan va aniq yechishga hamda ularning ma'no-mohiyatini to'liq tushunishga imkon beradi. Ushbu o'quv qo'llanma pedagogika oliy o'quv yurtlarning magistratura mutaxassisligining 5A110701 – «Taʼlimda axbort texnologiyalari» taʼlim yo'nalishida o'qitiladigan «Ixtisoslashtirilgan dasturiy vositalar» o'quv faniga mansub bo'lib, Nizomiy nomidagi TDPU da tasdiqlangan «Ixtisoslashtirilgan dasturiy vositalar» o'quv fan dasturi asosida yaratildi. Ushbu o'quv fanini o'qitishdan maqsad – har bir bo'lajak mutaxassislarning o'z kasbiy sohalariida qo'llashi zarur bo'lgan amaliy matematika, informatika va axborot texnologiyalari imkoniyatlaridan foydalanish haqidagi zamonaviy bilimlarga ega bo'lishlari va ulardan samarali foydalanishlari uchun mos bo'lgan ko'nikma va malakalarini shakllantirish hamda rivojlantirishdan iborat. Shunday maqsadlarni amalga oshirish uchun o'quv qo'llanmada bir qancha amaliy dasturiy vositalar, ularning turlari va tasniflari, foydalanuvchining amaliy dasturiy taʼminoti, avtomatlashtirilgan ish joylari, ixtisoslashtirilgan dasturiy vositalarning ishlash tamoillari, ularning asosiy turlari hamda matematik masalalarni yechishda foydalaniladigan amaliy dasturiy vositalar, belgili hisoblashlarni amalga oshirish uchun mo'ljallangan dasturlar, shu jumladan, Microsoft Math, Google Math, Mathematica, Maple, MathCad, MatLab, Tex(LaTex), Statistika, Auto CAD kabi amaliy dasturlar, ularning umumiy ko'rinishi va imkoniyatlari, shuningdek, ushbu dasturlarda turli hil masalalarni yechish usullari bilan tanishish masalalari yoritilgan. O'quv qo'llanmaning oxirgi VIII-bobida zamonaviy Python dasturlash tili bo'yicha bir qancha ma'lumotlar berilgan, shu jumladan, amaliy darslarlar, video manba'lar va mustaqlil ishlash uchun masalalar berilganki, bu ma'lumotlar Python dasturlash tili imkoniyatlari bilan tanishib olishga yordam beradi. O'quvchi-talabalar va magistrantlarga bag'ishlangan ushbu o'quv qo'llanmadan yuqorida sanalgan amaliy dasturiy tizimlarni o'rganish va pedagogik jarayonlarda qo'llashni tushuntirishni o'z tarkibiga olgan boshqa fanlarda ham qo'shimcha adabiyot sifatida foydalanish mumkin.