«Болажон» таянч дастури бўйича 2-китоб

Икки китобдан иборат бўлган мазкур мажмуа мактабгача ёшдаги болаларнинг ривожланишига қўйиладиган Давлат талаблари ва такомиллаштирилган «Болажон» таянч дастури асосида қайта ишланди.Такомиллаштирилган таянч дастурининг «Бадиий адабиёт» йўналиши бўйича болани маънавий-ахлоқий, эстетик жиҳатдан тарбиялашга, қалбида китобга нисбатан ҳавас уйғотишга, илк китобхонлик маданиятини шакллантиришга янада кенгроқ аҳамият берилди. Бўлим янги, қизиқарли асарлар билан бойитилди. Ўзбек халқ огзаки ижоди ва ёзувчиларининг бадиий асарлари билан бир қаторда турли халқ оғзаки ижоди ва ёзувчиларининг асарларига ҳам катта ўрин берилди.Биринчи китобдан гўдаклик даври, илк гуруҳ, кичик гуруҳ ва ўрта гуруҳ; иккинчи китобдан: катта гуруҳ, мактабга тайёрлов гуруҳи болаларига тавсия этилган бадиий асарлар жой олган.Илк, кичик, ўрта, катта ва мактабга тайёрлов гуруҳи болаларига мўлжалланган хилма-хил жанрдаги асарлар, дастурда қайд этилганидек, «Ўқиб бериш», «Ёд олиш ва ифодали ўқиш», «Сўзлаб бериш» тартибида жойлаштирилди.