SANDIQDA QALAN MUŞTULUQ

Tanınmış ictimai-siyasi xadim və yazıçı Səyyad Aranın bu kitabında ilk qələm təcrübələrindən olan birinci hekayə­sindən başlayaraq, 36 illik ömür yolunu əhatələyən ədəbi düşüncələrinin “sandıqda qalanları” bir yerə toplanıb. Yazıldığı illər göstərilməsəydi, bu hekayələrin “zamanını” təyin etmək mümkün olmazdı. Çünki Səyyad Aran ədəbiyyatın əsas missiyasını anlayır; insan taleyi və xarakterini, acı həyat səhnəsini görmək və bu anı qələmə almaq onun taleyinə yazılıb. Müəllifin sözlə çəkdiyi bu real həyat tablolarına hansı tarixdə və hansı tarixdən baxmağın heç bir əhəmiyyəti yoxdur – hər bir hekayə həyatın ayrı-ayrı anlarının şəkli və yaddaşa yazılan, ürəkdə iz salan kadrıdır. Öz üslubu, dili və təhkiyə forması olan müəllifin bu hekayələr toplusunu oxucuların rəğbətlə qarşılayacağına ümid edirik.