Dünyadan köçən mənəm

Çağdaş Azərbaycan poeziyasının görkəmli nümayəndələ-rindən biri olan Xalq şairi Zəlimxan Yaqub yaradıcılığının poetik vüsəti, incə lirizmi və xüsusi pafosu, həmişə xalq yaradıcılığına, xüsusən aşıq şeirinə bağlılığı ilə seçilib. Əslində, onun şair ilhamı həmişə bu iki tükənməz çeşmənin qovşağında qərar tutub. Hər sözündə xalq ruhunu yaşatması, el ədəbiyyatını və klassik irsimizi dərindən bilməsi, yaxşı hafizəsi, iti yaddaşı, geniş bədii duyumu, bulaq kimi çağlayan parlaq və cazibədar nitqi, fərqli dil duyğusu bir şair kimi Zəlimxan Yaqubu fərqlən-dirən və onu sevdirən əsas əlamətlər idi.

Oxucuların ixtiyarına verilən kitaba şairin sevilib-seçilən, az qala dillər əzbərinə çevrilən poetik nümunələri daxil etmişik.